ໄຕ້ຫວັນ ພັດທະນາປືນຍິງດ່ຽວໃໝ່ເພື່ອທົດແທນ T91
ກົມຍຸດໂທປະກອນ ກະຊວງປ້ອງກັນປະເທດໄຕ້ຫວັນ (MND) ໄດ້ພັດທະນາປືນຍິງດ່ຽວ ໄຣເຟີລ (rifle) ໃໝ່ ຂະໜາດ 5.56ມມ,
ທີ່ມີຊື່ລະຫັດ XT112 rifle ເພື່ອທົດແທນປືນລຸ້ນ T91, ເຊິ່ງປັດຈຸບັນກຳລັງໃຊ້ງານໃນກອງທັບປະຊາຊົນຈີນ.
ໄຕ້ຫວັນ ໄດ້ວາງສະແດງປືນທີ່ງານວາງສະແດງເຕັກໂນໂລຊີການບິນ-ອະວະກາດ ແລະ ການປ້ອງກັນປະເທດໄທເປ 2023. ທ່ານ ແຟຣງ
ຫວາງ ວິສະວະກອນຂອງ ກົມຍຸດໂທປະກອນ ກ່າວກັບສຳນັກຂ່າວຕ່າງປະເທດວ່າ: ປືນໄຣເຟີລ XT112 ຖືກອອກແບບມາ ເພື່ອໃຫ້ມີປະສິດ
ທິພາບ, ມີຄວາມແມ້ນຢຳສູງກວ່າລຸ້ນກ່ອນ 30%, ມີຄວາມທົນທານ, ນ້ຳໜັກເບົາ ແລະ ຫຼຸດຜ່ອນການສັ່ນສະເທືອນໄດ້ດີກວ່າ.
ເນື່ອງຈາກວິທີການພັດທະນາມີຄວາມແຕກຕ່າງຈາກປືນ T91. ປືນໄຣເຟີລ ສາມາດບັນຈຸລູກ ປືນເຕັມບັ້ງໄດ້ 30 ລູກ; ມີ 4 ໂໝດຍິງໄດ້
ແກ່: ປອດໄພ, ເຄິ່ງອັດຕະໂນມັດ, ຍິງຕໍ່ເນື່ອງເທື່ອລະສອງລູກ ແລະ ຍິງອັດຕະໂນມັດ; ມີເລົາໜາ; ມີໄລຍະຫວັງຜົນ 600 ແມັດ, ມີຂາຄ້ຳທາງ
ໜ້າ ແລະ ທາງທ້າຍ ທີ່ສາມາດປັບປ່ຽນຕ່ຳສູງ, ຂຶ້ນ-ລົງ ໄດ້ຢ່າງເໝາະສົມ. ປືນໄຣເຟີລ ລຸ້ນໃໝ່ນີ້, ສາມາດຕິດຕັ້ງດ້ວຍຕົວຊີ້ເລເຊີ ແລະ ກ້ອງ
ເລັງໄລຍະໃກ້ແບບ XTS112, ມີໄຟສ່ອງແສງສະຫວ່າງ ແລະ ສະວິດຄວບຄຸມໄລຍະໄກ; ໂຕກ້ອງສາມາດຊູມເຂົ້າ-ອອກໄດ້. ການເພີ່ມເຕີມ
ຂອງຕົວຊີ້ເລເຊີຊ່ວຍໃຫ້ຜູ້ໃຊ້ສາມາດກຳນົດເປົ້າຫມາຍໄດ້ໄວ ແລະ ຖືກຕ້ອງໃນການປະຕິບັດໜ້າທີ່ທັງກາງເວັນ ແລະ ກາງຄືນ.
ແຫຼ່ງທີ່ມາ: ໜັງສືພິມກອງທັບ
ວັນທີ 05/03/2024